Navoiy viloyati sayohat va ekskursiyalar byurosi o’z faoliyatini faollashtiryapti
27.12.2011

 Navoiy viloyati sayohat va ekskursiyalar byurosi Karmana restoran va mehmonxona servisi kolleji o’quvchilari uchun “Turizm — tinchlik va osoyishtalik ramzi” mavzusida seminar—trening o’tkazdi.

    Sayohat va ekskursiyalar byurosi vakillari o’quvchilarning respublika turizm sohasini tartibga soladigan asosiy me’yoriy—huquqiy hujjatlar bilan tanishtirdilar. O’zbekistonda turizmni rivojlantirish bosqichlariga, turizm infratuzilmasini takomillashtirish bo’yicha o’tkazilayotgan tadbirlarga alohida e’tibor berildi, mamlakatda taqdim etilgan turizm turlari to’g’risida hikoya qilindi.

   Seminar tashkilotchilarining aytishlaricha, o’quvchilarda 2009—2011 yillarda O’zbekistonga kelgan turistlarning soni, respublikada turistik faoliyat sub’yektlari soni, gid—ekskursiya yetakchilarining faoliyati to’g’risidagi statistik axborot qiziqish uyg’otdi.

   Tadbirda ishtirok etgan 150 nafardan ortiq o’quvchi o’zlarini qiziqtirgan savollarga javob olib, O’zbekistonda turizmni rivojlantirish sohasidagi bilimlarini ancha kengaytirdilar.  

   Eng faol ishtirokchilar esdalik sovrinlari bilan rag’batlantirildi. Bundan tashqari, o’quvchilar o’rtasida Navoiy mintaqasining turistik salohiyatini eks ettiradigan, o’zbek, rus va ingliz tillaridagi reklama—axborot bukletlari tarqatildi.

   Tarmoq uchun malakali kadrlarni tayyorlashda bunda seminarlarning muhimligini hisobga olib, Navoiy viloyat sayohat va ekskursiyalar byurosi turizm sohasiga ixtisoslashgan kollejlar o’quvchilari uchun bilim beruvchi tadbirlarni muntazam o’tkazishni rejalashtiryapti.