Poytaxt mehmonlari uchun yangi turistik imkoniyatlar
26.11.2011
Respublika hukumati tasdiqlagan “2011–2012 yillar davrida Toshkent shahrida turizm sohasini rivojlantirish va turistik xizmatlarning eksport salohiyatini ko’paytirish bo’yicha aniq tadbirlar dasturi”ni amalga oshirishga 140,7 mln AQSg dollari jalb etiladi.
Mazkur Dastur doirasida tarixiy–madaniy ob’yektlarning jozibadorligini oshirish, turistik yo’nalishlarga yangi me’moriy obidalarni kiritish tadbirlari rejalashtirilgan, mehmonxonalarni qurish va rekonstruksiya qilish, turistik infratuzilmani rivojlantirish va boshqa tadbirlar mo’ljallangan.
Chunonchi, 660 mln AQSh dollari turistlar o’rtasida mashhur bo’lgan Toshkent teleminorasini modernizatsiya qilishga yo’naltiriladi. Nurlar bilan charog’onlashtirilgan teleminora shubhasiz poytaxt mehmonlari uchun jozibali bo’ladi.
Dasturga ko’ra Ko’kaldosh, Abulqosim eshon, Oxunguzar, Mo’yi Muborak madrasalari, Mingo’rik shaharchasi, Yunusxon, Shayx Xovandi Tohur, Qaldirg’ochbiy komplekslari va boshqa ob’yektlarning infratuzilmasi yaxshilanadi. Shu bilan birga, tashkiliy ishlar o’tkazilganidan keyin turistlarga Shoshtepa, Oqtepa arxeologik obidalari, Kallaxonayu, Gul bozor masjidlarini borib ko’rish taklif qilinadi.
Turistlarga xizmat ko’rsatishga 500dan ziyod o’rinli to’rtta yangi mehmonxona taqdim etiladi. Bundan tashqari “Chorsu” mehmonxonasi rekonstruksiya qilinadi va “Dedeman Silk Road Tashkent” mehmonxonasida tennis korti quriladi.
Toshkentda uchta yangi sog’lomlashtirish kompleksi, savdo–ko’ngil ochish kompleksi, mehmonlar turistik kartalar, yo’l ko’rsatkichlar xarid qiladigan 100dan ziyod axborot kiosklari ham paydo bo’ladi.
Poytaxt mehmonlari uchun o’z ichiga shahar tarixi, madaniyati va uning hozirgi rivojlanishi bilan tanishtiradigan tadbirlarni oladigan qiziqarli ko’ngil ochish dasturi tashkil etiladi.
Qaralsin: “2011–2012 yillar davrida Toshkent> shahrida turizm sohasini rivojlantirish va turistik xizmatlarning eksport salohiyatini ko’paytirish bo’yicha aniq tadbirlar dasturi”.
|
Matbuot xizmati 
