13-sentyabr kuni Qozon kooperativ instituti bazasida Oʻzbekiston madaniy-turistik markazi ochilishi boʻlib oʻtdi. Markazni Turizmni rivojlantirish davlat qoʻmitasi raisi v.v.b. Abdulaziz Aqqulov, Oʻzbekistonning Qozondagi Bosh konsuli Fariddin Nasriyev hamda Tatariston Respublikasi Turizm davlat qoʻmitasi raisi Sergey Ivanovlar rasman ochib berishdi. Tadbirda shuningdek Tatariston Respublikasi dilomatik korpus, vazirliklar va idoralari hamda RF TIV vakillari, shuningdek institut oʻqituvchilari ishtirok etishdi.

Bugun Qoʻqon shahrida haqiqiy bayram! Oʻzbekiston Prezidenti Shavkat Mirziyoyev tashabbusi bilan tashkil etilgan I Xalqaro hunarmandchilik festivali oʻz ishini boshladi. 12-sentyabr kuni Xudoyorxon oʻrdasi maydonidan markaz yoʻnalishida I Xalqaro hunarmandchilik festivali qatnashchilari tantanali yurishni amalga oshirishdi. Unda Oʻzbekiston Respublikasi Bosh vazir oʻrinbosari Aziz Abduhakimov hamda Fargʻona viloyati hokimi Shuhrat Gʻaniyev ishtirok etdi.

Prezident Shavkat Mirziyoyev “Xitoy Xalq Respublikasi (XXR), shu jumladan XXRning Gonkong maxsus maʼmuriy hududi fuqarolari uchun Oʻzbekiston Respublikasiga kirishda vizasiz rejimni belgilash toʻgʻrisida”gi farmonni imzoladi. Mazkur farmon mamlakatlar oʻrtasida madaniy, ilm-fan, taʼlim almashinuviga, investitsion iqlimni yaxshilashga va mamlakat turistik salohiyatini rivojlantirishga ijobiy taʼsir koʻrsatadigan Oʻzbekiston Respublikasi hamda Xitoy Xalq Respublikasi oʻrtasida xalqaro munosabatlarni rivojlantirish uchun qulay shart-sharoitlar yaratish maqsadida qabul qilindi.

Turizmni rivojlantirish davlat qoʻmitasi raisining birinchi oʻrinbosari v.b. Ulugʻbek Kasimxodjayev 12-sentyabr kuni Oʻzbekistonning Hindistondagi turizm elchisi, taniqli dizayner Ritu Beri bilan uchrashdi. Mehmonga soʻnggi yillarda Oʻzbekistonda turizmni rivojlantirish yoʻlida amalga oshirilayotgan islohotlar haqida batafsil maʼlumot berildi. Ritu Beri Oʻzbekistonga sayohatidan juda katta taassurot olayotganini maʼlum qildi.

Sankt-Peterburgda oʻtayotgan Butunjahon turizm assambleyasining XXIII sessiyasi doirasida Oʻzbekiston Respublikasi Turizmni rivojlantirish davlat qoʻmitasi raisi v.v.b. Abdulaziz Aqqulov Pas Grau Internacional Management (PGI Management) kompaniyasi direktori Mariano Xervas bilan uchrashdi.