Oʻzbekiston Respublikasi Turizmni rivojlantirish davlat qoʻmitasi raisi v.v.b. Abdulaziz Aqqulov Sankt-Peterburgdagi Butunjahon turizm assambleyasi (UNWTO)ning XXIII sessiyasi doirasida UNWTO Bosh kotibi Zurab Pololikashvili bilan uchrashdi. Uchrashuv davomida Oʻzbekistonning UNWTO bilan hamkorlik aloqalarini yanada rivojlantirish haqida soʻz bordi.

Chexiyaning Praga shahrida Chexiyadagi “Oʻzbegim” madaniy turizm markazi va faol vatandoshlar Oʻzbekiston Respublikasi Turizmni rivojlantirish davlat qoʻmitasi vakillari bilan hamkorlikda Mustaqilligimizning 28 yilligiga bagʻishlangan katta tadbir oʻtkazishdi, unda Chexiyada istiqomat qiluvchi 100 dan ortiq vatandoshimiz qatnashdi. Shu bilan birga, tadbirda Chexiya tashqi ishlar vazirligi, mahalliy hukumat va turizm kompaniyalari vakillari ham ishtirok etishdi.

Bugun, 11-sentyabr kuni Sankt-Peterburgda Butunjahon turizm tashkiloti (UNWTO) Bosh assambleyasining XXIII sessiyasi rasman ochildi. Unda Oʻzbekistondan Turizmni rivojlantirish davlat qoʻmitasi raisi v.v.b. Abdulaziz Aqqulov boshchiligidagi delegatsiya ishtirok etmoqda.

Toshkent viloyati turizmni rivojlantirish departamenti tomonidan sohaga oid qaror va farmonlarni oʻzida mujassam etgan “Oʻzbekiston Respublikasida turizmni rivojlantirish boʻyicha qonunchilik asoslari” nomli kitob nashr etildi. Ushbu toʻplam orqali turizm sohasiga oid koʻplab savollarga tez va kafolatli javob olish imkoniyati mavjud.

Oʻzbekistonning turizm sohasidagi jamoat tashkilotlari va Turizmni rivojlantirish davlat qoʻmitasi vakillari Turkiya Gidlar palatalari uyushmasi (TUREB) hamda Turkiya Mehmonxona egalari federatsiyasi (TUROFED)ga tashrif buyurdi.