Qoraqalpog‘iston Respublikasi, Ellikqalʼa tumanining “Guldursin hamda “Sahtiyon” MFYlari hamda Chimboy tumanining “Temir jol guzar” MFYlarida O‘zbekiston Respublikasi Turizmni rivojlantirish davlat qo‘mitasi, mahalliy hokimlik, tuman davlat xizmatlari markazi, tuman soliq inspeksiyasi vakillaridan iborat ishchi guruh 10 nafarga yaqin oilaviy mehmon uylari egalarini yakka tartibdagi tadbirkorlik sifatida ro‘yxatdan o‘tkazdi va Oilaviy mehmon uylari yagona reyestriga kiritdi. Ularga tegishli guvohnomalar topshirildi.

O‘zbekiston Respublikasi Bosh vazir o‘rinbosari, Turizmni rivojlantirish davlat qo‘mitasi raisi Aziz Abduhakimov topshirig‘i bilan Qo‘mita o‘rinbosari Ulug‘bek Azamov boshchiligidagi ishchi guruhi Qoraqalpog‘iston Respublikasi shahar va tumanlariga chiqqan holda turizm salohiyatlari, turizm imkoniyatlari o‘rganildi.

Buxorodan 42 km masofada, Qizilqum sahrosining janubi-g‘arbida joylashgan “Jayron” qo‘riqxonasiga birinchi tamal toshi qo‘yildi. Ushbu eko-turistik obyektni rivojlantirish ishlari pitomnik imkoniyatlarini oshirish va sayyohlar hamda mahalliy mehmonlar tashrifi uchun qulay sharoit yaratishga yo‘naltirilgan.

Namangan viloyati hokimi Xayrullo Bozorovning Turkiyaning Siirt va Isparta viloyatlari voliylariga (hokimlariga) turizm sohasida hududlararo to‘g‘ridan to‘g‘ri hamkorlikni yo‘lga qo‘yish yuzasidan yuborgan taklifi qardosh diyorda ijobiy qabul qilindi. Yaqin kunlarda viloyat turizmni rivojlantirish boshqarmasi hamda ushbu ikki viloyat Madaniyat va turizm boshqarmalari o‘rtasida bu boradagi aloqalarni kuchaytirishga qaratilgan hamkorlik memorandumlari imzolanadi.

O‘zbekiston Prezidentining 2016 yil 2 dekabrdagi 2666-sonli qarori bilan tasdiqlangan Turizmni rivojlantirish davlat qo‘mitasi to‘g‘risidagi Nizomga muvofiq, joriy yilning 17-18 avgust kunlari “Ipak yo‘li” xalqaro turizm universiteti rahbar va xodimlari attestatsiyadan o‘tkazildi.